سيرة عطرة ابونا مينا بتاع السجائر
سيرة عطرة
ابونا مينا بتاع السجائر
متستغربوش من الاسم هو مشهور بكدة " ابونا مينا بتاع السجائر"
راهب ناسك فى دير الانبا بولا
راهب قعيد الفراش ياعنى مبيعرفش يتحرك من على السرير اصلا
الشمس مبتدخلش قلايته
مكتوب على قلايته من برة " ممنوع اقتراب البنات والسيدات نهائياً من القلاية "، "ممنوع التصوير او التسجيل نهائياً"، "رجاء محبة غلق التليفون قبل الدخول للقلاية".
ابونا مينا كان اى حد يدخل قلايته كان لازم يشك فيه ازاى دة راهب بركة؟!
ازاى دة راهب اصلاً؟
كان دايماً يقولنا انه كان صايع اصلاً وكان بيعمل حاجات كتير وحشة وكان بيحكلنا قصتة
اخر مرة روحتله من جوايا مكنتش عاوز اروح الكلام دة كان من فتره
المهم اول مرة ادخله والاقيه بيكلمنا بجد عن ربنا ،
حكالنا قصة وكان كل شوية يقولنا آيه عمرى مهنساها
" لست تعلم انت الان ما انا اصنع ولكنك ستفهم فيما بعد "
اكنه كان بيقولى انت مش فاهم انا بعمل لية كدة دلوقتى بس هتفهم بعدين، وفعلاً فهمت خلاص
ابونا مينا كان سبب ان ناس كتير تبطل حاجات وحشة كانت بتعملها وقلايته تشهد على كدة " سجائر، خمرة ، حشيش، شيشة، ..... وحاجات تانية كتير
كان اى حد بيدخل عنده بيشرب حاجة او مدمن حاجة مكنش بيخرج من قلايته الا اما يكون مبطلها
الراجل دة بركة كبيرة
اخر حاجة هقولها هو اتنيح 29/5
وهو عيد ميلاد ابونا مينا الـ 75
ويوم 29/5/2018 عيد سفر ابونا مينا للسماء 😥
والتذكار الشهرى لامنا العذراء كان نفس اليوم 29/5/2018
اذكرنا يا ابانا امام عرش النعمة .
0 comments:
Post a Comment